للحين تنشدني عن الحزن يازين

وانا الذي من جوف الاحزان غابق

لو تفهمين الحزن يابنت تلقين

اسمي على اسمه بالحروف متطابق

اخذت منه الياس والعطف واللين

وايضا خسرته قبل لا آكون سابق

عودي خضر والعود لو يكسر اثنين

ما فاح ريحه بين الانسام عابق

رفيق دربي دوك جرحي من إسنين

شف وش كثر خليت جرحي طوابق

أدري خُلقت بنفخة الرحم من طين

لكن خرجت احزان من طين سابق

من وين اجيب الحزن من وين من وين

دام الحزن بالجوف ياهيه نابق

وللحين تنشدني عن الحزن للحين

و أبُك ترى شكلي على الحزن لابق