يا عيد هالناس لا مغنى ولا سيره

راحو وخلوا رفيقك واقف لحاله

من عقبك ماني اشوف النجم ماعيره

اصبحت اشوف النجوم افلاك لحثاله

امشي واوّقف واقول اثنين وش غيره

حتى ثلاثه تحسف يرمي افواله

ياخوك مروا على قلبي مساييره

مافيهم اللي طرات الصدق يطراله

ياخوك وينه طموح(ن)كنت اباجيره

ياخوك والله تحطم كل تمثاله

حتى زماني خذلني يالله الخيره

ليته توقف زماني ليته اشواله

والا اني آعيش عيشة نفس(ن)صغيره

والا عريب(ن) لواه الوقت بشماله

طوحّت صوت(ن) وجاذبني مقاديره

بين الحنايا زمام السانيه شاله

البال روّح وراح السبق مع طيره

والنوم عيت عيوني تقرب ارحاله