مافيه قبلي غصن يحب منشاره

ولا ظن عقبك جميع الكون ياسعني

مسلسل الصمت فيني طالت ادواره

والصبر لامن بغيت آقول قاطعني

بغيت أرمي عباة العز في داره

"مار"*الحيا عن طمان الذل يرفعني

من دونه البيت واهل البيت واسواره

ومن دوني السلم والاعراف تمنعني

م اسمع به العقل والتفكير واشواره

دام العقل لانثرته فيه يجمعني

ماقول ليته (قصير) وبيتنا جاره

آقولليته ليا هيجنت يسمعني

دامه سكن بالخفوق وشاف مقداره

ان ضعت ماظنتي غيرك يضيعني

ربيع شعري وهتّانه ونواره

ليت القصايد بوصفه يوم تقنعني

سهيل لو هو مهايف تغري انواره

ون جيت ابنسى غلاك الليل يوجعني

عقب البطا نار شوقي تفضح اسراره

عدّك على جمر حزاتك مولّعني

ذكرك بقابه ربيعٍ تغري ازهاره

وهذا ترى اللي على بعدك مشجعني

انا شريتك (سرابٍ) يرهب اصراره

ون كان تبغى الصحيح لواقعي بعني

شف(شمريك غصن) والوقت (منشاره)

وانتو يباس الدهروالحظ لايعني