تصدقين من الغلا ماعرفتك!!!

ومن الفرح عيّا يقولك لساني!!!

ان كنتي ذنبٍ ياكثر ما قترفتك

ون كنتي غفرانٍ فربي هداني

في ذمتي (يابنت) غلاك يفتك

بقلبٍ تغرّب بين عوج المحاني

ان جف ريقي عن ظماي ارتشفتك

ون زان وقتي صار اسمك(أغاني)

ذاخرك في دلو الغلا ماغرفتك

أبيك لا ضيّق زماني مكاني

(دمعة شموخ)وحافظك ما ذرفتك

من هيبتك حتى انكساري عصاني

(يابن الحلال اسى هو البنت وافتك)

قلت البحر مجهول لولا المواني

ضحك خيالي قال(شفتن)جرفتك

والليل لاعسعس لدربك سراني

ماخفت تنساني انا بجد خفتك

تزيد في حبك وينقص اماني

ياعين من حبك قسيت وطرفتك!

اثر الغلا بعضه يعيق الاماني

اكذب على نفسي ليا قلت عفتك

مير اقبليني لك محبٍ اناني