الحب مايرحم كبار المسنين

ادري يخوك ادري بانه عقايد

يخوك لاتنخى ترا القلب سكين

يجرح عدوك ياسميي سنايد

اموت لك واحيا واعيشك بتحنين

يبقى لك الشاعر جنود وصمايد

وان عودت للحب ربي لك يعين

الحب بلوى وطبه اليوم كايد

هذا جريحن يطرب الليل ونّين

وهذا تعيسن يرتجيله سعايد

وذاك يبكي فرقى خله بتدوين

دمعه على كراس شوق القلايد

واحنا ترانا منا عنك بعيدين

حالي كما حالك نهار المعايد

نوب الوله يزداد واشوفه ميازين

ونوب العيون تشوف خلي عمايد

لكن ترا دنياك اطباعها شين

دايم تخور اللي دروبه حدايد

اصبر تصبر والقسى لازم يلين

وتلقى مرادك يارفيق الصعايد

هانت حبيبي والوفا وافي الدين

ولابد ماتلقى لحظك زوايد

هذي حروفي في دروب المحبين

جاتك وترها من خفوقي جلايد

لله تبقى ياسميي وبيحين

وقت الفرج بيحين دوك الوكايد