وخصايل نخل بتتباهى
خضرا الأهداب
بخدود عناب
وسيقان عبله
الوش شباب
والصدر رباب
والبطن ياليل مشدوده ياعين زى الطبله
حلمات نافره
مسلات نافره
قلوع نيلى
نوافير فايره
يادخلة العرايس
يامفتحة العيون
ومعلمه الفوارس
ازاي تقرا المتون
ياكشة العروسه
وهشة العريس
كحل عين الانوثه
باسم الاله أبيس
العين عليها حارس
بحورس وبايزيس
من السيل والكوارث
ومن ست الخبيث
لحد النيل مايوصل
ويفيض على الجناب
والأرض السودا تحبل
بالخصب وبالشباب