دقايق صمت لو تَسمح نبي نبكي حبيب مات
ترك لي صفحة ٍ بيضا عليها هل دمعاته
كتب ب أول سطر شوقه وبعض الشعر والكلمات
وسكب ب آخر سطر دمعه تحت اسمه وأبياته
وكوّن حسرة ٍٍ عظمى مداها لأبعد النجمات
شهق منها الخفوق اللي توالت بعد شهقاته
حبيبي لا تمووت الموت طعنة تقتل الرغبات
تدامَى قلبي المرهف من الفرقا وطعناته
حبيبي غابت الفرحة ب ليل الهم والصرخات
حبيبي آآه لو تَسمع ألم قلبي وصرخاته
حبيبي يا بداية شوف عيني واجمل الغايات
تعزيني دروب الشوق في بعدك وساعاته
تربى في عيوني طفل تلعثم بك غلا وعبرات
تنادي لك حروف الحب في عينه وعبراته
بكى لك مثل ما يبكي على أ ُمه لحظة الغفوات
يصحيها على نغمة انينه من معاناته
تخيل لو قدرت أنك تحمّل ( همهم ) الونات
تخيل قد ما تقدر تسوّي لحظه اسواته
تخيل بس لي منّك دموع ولهفه وحسرات
ولك مني غلا واشواق دموع الحب واهاته
تخيل لو عرفت تكون مثلي واقسم اللحظات
على شوقك ودمعاتك على حبي ولحظاته
عرفت أن الفراق الموت على قلبي انا بالذات
لأن الموت والفرقا مثل ( عمر ) ونهاياته
تذكر لا بغيت تموت يا خلي بعض كلمات
أحبك من شروق الكون حتى اخر أوقاته