ياطول حرماني عيوني تراعيك

وعن ماتريد الروح تقصر يديني

حتى الحكي ما اقدر مع الناس احاكيك

مع حالو الحساد بينك وبيني

مايتركونك لحظة لي وانا اجيك

وابدي لك الخافي وابيح كنيني

وادري بهاجس خاطري ويش طاريك

هو انت تكره شوفتي او تبيني

هو انت مثلي هايمات ظواميك

على حياضي غادي لك حنيني

او ان قلبك مع حبيب مهاويك

يسقيك خمر الحب يانور عيني

اما قصرت ارشاي ماعاد لي فيك

والباس في الدنيا حدى الرحتيني

والا وردت ودست بالرجل حاميك

والصادق اللي بس دونك يجيني