ياروميو سلم على جوليت

بالله بلغها تحياتي

وأصدق ان كان لكلمتي وديت

لاتزيدها وتقول كلماتي

يااللي عليها بين حي وميت

أبشرك ماحركت ذاتي

ماقلت فيها من قصيدي بيت

ولاهو لزوم اشرح لك ابياتي

يابوك انا لاكلتها وفيت

تشرف على ابحوري محيطاتي

وأهل المعاني هم هل التصويت

والا انت ماتفهم عباراتي

لي نظرةٍعليا ليا مديت

شوفي ولاقربت هقواتي

لني ولد شيخٍ وذايع صيت

ابن بدوي زيزوم أباناتي

ما احرمت يارومي ولاحجيت

وش جاب ميقاتك لميقاتي

سلم على ربعك ليا رديت

وأبعد اربيعك عن مداراتي