قالها بن ذيب من هاجوس باله

كلمة يلعبها والبال زيني

قالها يومه طراله ماطراله

من هواجيس تشيب المرضعيني

غرني بعض الرجال بكثر ماله

مادرا ان الموت في حبل الوتيني

كيف ينفعني وبعض الناس خاله

وما يقوم البيت دام الساس طيني

ناس وين اللي عوايده الشكاله

مثل ابن ظافر حمد ذرب اليميني

الثناء والجود دايم في خياله

علمه ظافر سلوم الطيبيني

جود العليا وقضبها عياله

وادركوا من علمته دنيا وديني

واهني من باع حظه واشتراله

سار في درب النبي واخزا اللعيني

موقفه ما كل رجال يناله

من بغى ممشاه يقعد مرتيني

وكم ذبح من حايل من حر ماله

وعادته لطمة خشوم العايليني

حالف ما أخذ من الطرقي رياله

وبثلاث محرم انها ما تجيني

لا لقيت اللي على السكه لحاله

يلتفت ويقول وين المستحيني

ياقف الموتر حيا وابغى الجماله

يوم ولد اللاش وجه ما يليني

الطمع في كروت الرجلي رذاله

وخصبه وانجا مجال الغانميني

والردي في حالة ماهيب حاله

ياعوينه من كلام الطيبيني

والردي كوبان مايذكر مجاله

مايعد اللاش مقصور اليميني

أركبه لعيون من زين دلاله

ماتحاكوا في قفاه الرامسيني

مابغا غيري وانا ما ابغى بداله

قاعد لي بالرجا مدت سنيني

الولد وان طاب قالوا من خواله

وبالخوال يسأل قبل الوالديني

واشرب الفنجال واكب البياله

تابع سلمي لسلوم الاوليني

وماقعدنا في العمل نبغى الرزاله

ناخذ العليا طريق الفايزيني