وبعد لك عين ترجع لي وتتعذر على النّسيان
و مثلك ياخسارة فيه أضيّع عمري الباقي
رغم ماضعت وضيّعني بغرامك قلبي الولهان
رغم ماقلبك الّلاهي يموت بطاري افراقي
ورغم ماكنت أجي شايل غلاك بداخل الوجدان
أشوفك نفس كلّ مرّه أجي وترّد أشواقي
عليك الّله مايكفي ظلمني قلبك الخوان
مشاعر قلبي تحرقها و تهز بجرحك أعماقي
عرفت الفرق مابيني وبينك؟ والاّ أنا غلطان؟
أنا جايز غلطت أني كشفت بحبك أوراقي
ولكن غلطتك ناسي أنا قادر وبالأمكان
ألاقي مثلك وأحسن .. و صعبه مثلي تلاقي
شافي السبيعي: شاعرٌ وكاتبٌ وإعلاميٌّ كويتيٌّ بارز
نبذة عن حياته:
ولد في الكويت عام 1968.
نال بكالوريوس العلوم السياسية من جامعة الكويت عام 1991.
عضوٌ في رابطة الأدباء الكويتيين منذ عام 1992.
أصدر العديد من ...
