يلي تبي تسأل عن اوضاعي اليوم

اعرف ترى قلبي تزايد شبوبه !

على وليفن حبه بداخلي دووم

ما ينمحي مدام لناس توبه !

لكنّ طبع الحب لازم به هموم

وزودن على همومي منامي عقوبه

أذكر وليفي كل حزه من النوم

واندم على حبي عقب ما رخصوبه

ماظنتي من سكرة الحب بقوم

وانا الذي روحي بحبه امغصوبه !

عند الغرق معروف ماينفع العوم

هذي دروب الحب واكبر اعيوبه

محروم لا والله ماني بمحروم

هذي ميولي كلها جات صوبه

هذا القدر مهما ضحكلك على يوم

لا بد مافي يوم تشكي ذنوبه

وش له اكرر بالحكي وكثرة اللوم

كم واحد(ن) بالحب قبلي غدوبه