جاني خبرك وهلت الدمع عيني

من حين ماجاني الخبر قيل مكسور

ياليت ما صابك يروح ويجيني

وتبقا بحياتك دايم الدوم مسرور

باغيه عنك في ذراعي اليميني

وانا التحمل كد مضالي معه دور

ما بغا يصيبك شي يانور عيني

مير المقدر صار واليوم مجبور

انت الذي وقتي بقربك يزيني

وانت الذي بالوصف صوره من الحور

وانت الذي نورت باقي سنيني

من يوم عرفك بان في دربي النور

واذا حصل تقصير مني اعذريني

لو كان ماني منك والله معذور