لا تنظرين السماء وتجرِّحين السحاب

مدام جرح السحاب يسيل منه سنا

صدي عن الغيم حتى ما يغير الضباب

الشوق جارح وصدك يستبيح الفنا

ما بل وجه الثرى كثرة مياه السراب

وما هز ريح القدر قنديل يضوي لنا

ابيك تحكين حتى تزهرين الثياب

ما كن ليل العرب إلا لك انتي وانا

غسلت وجه البخت من ضحكتك واستطاب

وغرست صوتك بصدري و اورق اذني غِنا

ياعمري لولا الورق ماكان صار الكتاب

وياعمري لولا الغلا ماكان صرتي هنا

لا تلبِسين الوصال العف ثوب الغياب

الشوق جارح وصدك يستبيح الفنا

لاتنظرين السماء وتجرحينِّ السحاب

بس ناظري في عيوني واجرحيني انا