قبل الخطاوي تمتطي صهوة الدرب

والبعد يزرع في طريقي .. مسافه

وقفت ألوّح .. وامزج الشرق فالغرب

واهتز قلب .. وطاح .. دمع . وحسافه

القلب .. ماله فالبهاذيل .. يا رب

والبعد .. مدري وش نهاية مطافه

كنت أول الغربة .. وكنت آخر القرب

والحزن يعلن .. وسط صدري .. زفافه

القاها منّه .. او من اجروحي الجرب

او حظي اللي .. طول عمري اخافه

مشكور يا دمع .. سبقني على الشرب

ومشكور يا ذكرى .. توالت خلافه

اردم فصدري هم . فرقاك يالذرب

والقلب يعرق .. من كثير ارتجافه

كني صويب وسفرتي عنِّك الحرب

إن عشت في بحره .. بأموت بضفافه

ولو طار حلمي يا سلافه مع السرب

ما ظن ابلقى يا سلافه .. سلافه

ويوم الخطاوي قبّلت وجنة الدرب

زرعت في عمري .. هموم ومسافه