أنا أناني واعترف في غرامك

حتى ابوك احيان مابيه يقربك

اهواك واحبك واعشق كلامك

ودي اذا سولفت اكلك وشربك

غالي ورب البيت عندي مقامك

من زود حبك داخلي ودي اضربك

شايف هيام الناس ربع بهيامك

يعاف غيرك من تركهم وجربك

تعال ساكت منك يكفي سلامك

وانا بقول احلى غزل فيك وطربك

ترقص عروق القلب يوم انضمامك

قلبٍ يحبك وسط الاعماق سربك

يكفيني اول شخص حاز اهتمامك

الله يبيض وجه قلبي معربك

ناظر عيوني من الغلا ماتنامك

واذا غفيت اسرقك فيها وهربك

لو هو بكيفي احتويك بغرامك

لاتقربك امك ولا ابوك يقربك