طفلة يتيمة تشتكي جور الايام

تشكي لي ظروف الزمان العظيمه

تقول امي فارقتني من العام

ومن بعدها صارت حياتي أليمه

وين الفرح ياخوي عن وجه الأيتام

عمر الفرح مازار وجه اليتيمه

ياخوي قلب منتهي كله آلآم

حالي من الأهات حاله سقيمه

من كثر حزني صار بوجهي لثام

ونفسي بعدها مالها اي قيمه

ياخوي مالي قلب اتضمه اعظام

قلبي من اللوعات الله عليمه

اعيش كني انتظر حكم الاعدام

كن الفرح بيني وبينه جريمه

ياخوي انا وشلون من دونها انام

وذكرى فراق امي بعيني مقيمه

طفلة يتيمة ضايعة بين الايام

افراق امي كان صدمه عظيمه