حي الكتاب او حي من بيه ناجين

تحية ألفين وافي عددها

حيه قدر مالاح برق أو بدا غين

حيه عدد ما لاح برق أو مطرها

حي الصديق اللي حديثه يسلين

والله ما تلقى عندي فردها

والله ثم والله دينا بأثر دين

حياة من هو بالشيابر لكدها

لو من حلب والشام والهند والصين

لا بلاد مصر والصعيد او بلدها

توقف انساها بالزخارف مزايين

ياحاج وضحا بس توقف وحدها

ما ناخذ إلا مهجة الروح والعين

لو غطغطت إعيونها برمدها

بيها وصايف نايفات على الزين

بيها خصايل ما حصينا عددها

يا اعقاب يا ابوي أمك غدت وين

غطروفة يا ابوي ترضع نهدها

حظي دفنته في زبارات نمرين

حد السهل متعلقا بسندها

لا ناطقت يا حاج أقصى ولا ادنين

او لا وسوس الشيطان جوى جسدها

جتني عطا ما سقت بيها مثامين

او مايوم على الاجناب غتت بيدها

او لا ناطقت غطريف عن منطق العين

أو لا يوم عالجيران يظهر نكدها