يالله يا علاّم باحوال ناسه

يا واحدٍ يرجى على كل الأحوال

يا من نصلّي له و نخشى لباسه

الحكم حكمه في الدراهم والآجال

ما من نصير لنا ولا هنا دساسه

نرجوك يا مولاي تفرح لنا البال

الكلّ منّا يشتكي عوق راسه

واعواقنا ياتي بها خبر لاميال

إلطف بنا يا رب قبل الإياسه

ادرك عبادك فانت لا خافيك حال

نظن الاول حظنا بالسياسة

واثر المدبّر واحد جلّ ما زال

يدبّر الأشياء بحكمة قياسه

وحنا عباده نطلبه دوم و نسال

يا سامعٍ لدعاي زح ذي الغلاسه

النور نورك ما تشا انت فعّال

هذي سبب ناسٍ تكن النحاسه

جهّال ما تملك من العقل مثقال

لو هم تربّوا بالأدب والسياسه

ما شفت منهم واحدٍ عال أو مال

كلٍ يرى انه يستحق الرياسه

اتعرف ما يحتاي نشرح لك الحال

و الرجل مثلك حاضراتٍ حواسه

والعتب حقٍ لي إذا كنت أنا زال

أوحشتنا يا خلّ عقب الأناسه

بليّا سبب الاّ خراريف جهّال