خذني او اتركني بليّاك وياي

أو دوّر ل هذي المحاني : محاني

أو هاتني وارحل عشاني بليّاي

صمتك بحر دام انتظاري مواني !

شفني جمعت الليل واشعلت مسراي

أنقش من كفوف الزمان الثواني

ربيّت في صدر الشبابيك رجواي

بكرى شقول ف غيبتك ل الأماني ؟

ل الطيف ل رفوف التناهيد ل اشياي

ل الصبح ل ايام الدفى ل الأغاني

ل الصمت إل باقي السوالف على شفاي

للكلمة اللي كابرت في لساني !

ل الملح لو طبطب على الحلم جوّاي

ل الجرح لو مر المكان وبكاني

ل عطرك اللي نام داخل هداياي

ل التيه ل وجيه البشر ل المباني !

تعبت اسمّر ه المشاوير ب اخطاي

وآخايلك وابقى معي شخص ثاني !

مديت لك من خلف الاحلام يمناي

خذني أو اترك ل المحاني محاني