فمان الجرح لوّح للضمى وإن شفتني اسدلت :
ستار الصمت ازرعني كلام وهز تحناني
على الله من اسولفني يدين آرتّبك لو قلت
ازم الضحك وتجوع الضلوع وتربك امتاني
كثر هذا الصباح اللي تنفس في جبينك ملت
ادوّرني ورى ظل الدموع وغل احزاني
ياعم النبت يا أغنيات القصب امحلت
كذا غبت ! وسحابك لا نهب عمري ولا أحياني !
يابن الطلح يارعشة مراجيح الندى اسبلت
على صيفك حكاية سيل ولاهي اخضرّت اغصاني !
تمشابي عطش هذي الشوارع وارتفعت وسلت :
كثر عمري : صدى واثر المدى يلهث على لساني
غديت بداخلي مثلي يتيم ارسم "حضن" وارسلت
على دربك "دفا " مدري ! دفا حضنك أو احضاني !
لمحتك تلبس الخطوة جفاف وقمت لا حاولت
ابلّ اسمك قبل تيبس لهاة الما ولا امداني
وانا لوهي على كيف القدر الوّن الإسفلت
واشق الذكريات واشطب حروفك من ألواني
فمان الجرح لوّح للرحيل وشوفني مازلت
وحيد ما معي الا ( انا ) انده ولا القاني !