واجيلك هم متكدّس طعون وشرّده منفاي
واجيلك حلم يتمّه الحنين وحشّم العابه
اجيلك شاحب جلد المدينة والسكك والشاي
يمز التيه ليين القى الشوارع ضاقت ثيابه
اجيلك وادفن عيون الدفاتر واستفز بكاي
يدثّر لك ألم مدري امل ماعدت اقرابه
لك الله والمدى يحطب صباحي والغياب النااي
متى اتريّق رجوعك من عرق صبرِ تعنّابه !
انا ماشره على طيب المسا "والغرغرة" وياي
علي يشره والسهر كوخ تبرّا منه احبابه
تمريني ألذ من الذنوب واعتكف ل اخطاي
واتوب وينحني راس العطش بغتة يا محرابه
وانادي منكسر مثل اليتيم وتمضغين نداي
غبي وشلون ألظم لي طريق والحق اسرابه !
غبي هذا الشعور اللي يفصّل من شتاي غطاي
انا سايق عليك الشعر الارعن ودي ادفابه !
يستدرج معاه الشحّ ودويّ وعودك ومفناي
الييين تسيّلك فزعة دموعي وآآتوضاابه
ياعمّي يالشعر هندم مكانك واستعر مبداي
تصدق ! مانفع كحل الكلام ونفحة خضابة !
ياعمي ممتلي موت وسكوت وغطرسة منجاي
وتجيني مادريت ان الخيال ان جيت احيابه ؟!
مثل ماتشوف جيت اجمع جروح مشطت دنياي
واطمنها على لتغ الطريق الدااااكن اسهابه
واجيلك واغفر ل تيه الطعون وتكفرين ب "مااي"
جميلك ماغرستيه وحنيني منجله تابه
لهث وجه الحزن حتى تهدم ماادخل مبناي
عدا ذاك "الممات" اللي تخبرينه على بابه