احب فيك رضاك واحب غيرتك

لكن ابي قلبك حصون حصينه

وابي كلامي حلقة في قلادتك

وباقي كلام الناس لاتسمعينه

قلبي على كف القدر وسط راحتك

رماه بيدينك صباه وحنينه

ترفقي عليه تراه أمانتك

أمانة الله في اليدين الامينه

كانك بطوعك واختيارك ورغبتك

لاتصبحين انتي خراب السفينه

عودي الى رشدك وعقلك وحكمتك

ثم الحقي عمر تقافت سنينه

عمرٍ قضى في مامضى رهن اشارتك

مدري متى تاتطلقين الرهينه

سعادتي مرهونة في سعادتك

ويزيد حزني يوم اشوفك حزينه

الكلمة اللي زعلتني وحستك

مقلب وأبا أحذرك لاتشربينه

الوقت كان انه سرقك ابتسامتك

انا سرقني كل لحظه ثمينه

إن كان عندي ماعرفتي مكانتك

زودتي اللي فات بله وطينه

وش عندي اسويه واحل عقدتك

مجروح والمجروح لاتنشدينه

وان كان عيت لاتطيعك كرامتك

اهون علي شوي لو هي غبينه

أمامك الوضع الصحيح وسلامتك

تحت العباة أخفيه لاتكشفينه