ياضيف ياللي بالسنه لك زياره

ياحيّ والله هالزياره زيارتك

ياضيف في جيّتك فضل وتجاره

الله يوفقنا لحسن إستضافتك

جيّتك فرصة عمر تاره , وتاره

شرٍ على من لاعرف قدر جيّتك

لك ياشهر بين الشهور الصداره

وعند أمة الإسلام عليا مكانتك

أشهد شهادة حق ان الخساره

ماهيب شي مقارنه مع خسارتك

ياطالب الغفران صم في نهاره

واشغل لسانك بالدعا واحي ليلتك

صوت الأذان يلج فوق المناره

قم لب دعوة من تفضل بدعوتك

يالاهي إسمع وبصريح العباره

مافات مات وفرصة اليوم فرصتك

بادر وتب توبة قريص الخباره

اللي فتك فيها الحنش باصبعه فتك

ترى نجاة الآدمي وانتصاره

في طاعة اللي يعلم اجلك وغايتك

هذي فقط ذكرى ورمز واشاره

هديةٍ مني إليك وسلامتك