البارحه ودّعت من غير ميعاد

شخصن ملك فكري وقلبي وروحي

ودعتها والعين تدمع ولا فاد

مافاد دمعن سال عقب الجروحي

قبل الوداع ابديتله نصح وارشاد

ونارن في جوفي والمشاعر تفوحي

بلغتها يابنت يابنت الاجواد

قدرن يحد اثنين يابنت اوحي

قال الامل؟ رديت ماعاد ينصاد

ابغى اعتذرلك وارجي منك السموحي

دنق ويبكي دمعت العين تزداد

انا من الموقف دموعي تسوحي

مديتله يدي بودّع وانا جاد

خامستها واثري ادينه تزوحي

ثمن لثم وجهه وقفا ولا عاد

وانا اخايلها ودمعي فضوحي

المشكله قدرن يحدك ويصطاد

ويفرق الخلان وعقبه ننوحي

واليوم انا من عقبها مطلب الزاد

النفس عافت والمخاليق توحي