صاحبي سمر الكفر دونه يبيدي

من رهاريه الرمال يبيّدنه

والخطوط اللي تروّح في البريدي

تنقطع من دون خلي مايجنّه

والخطوط السود والفرت الجديدي

إن سلمنا من خطرهن ياصلنّه

والخطر والخط الاسود والحديدي

علّم السواق لاياثق بهنّه

والله اللي يقتضي فيما يريدي

لاتظنن والقدر مافيه ظنّه

و يش بعد الموت من حبل الوريدي

مير بحساب المنايا يجذبنه

ماخلقت الا شقي ولاسعيدي

حطك الله بين نار و بين جنّه

ماعليك من القريّب و البعيدي

القريّب والبعيد يقربنّه

ان عطيته راحته هل من مزيدي

وان كرسته بالتروس يثقلنّه

زين مرواحه لصوب ديار سيدي

والدركسون اليدين يلاعبنه

ناصٍ اللي كنّها عنز الفريدي

ياثمر عودأزرق ٍ جاء من مغنه