كم جيت تبكي..والنوايب .. تناطحك

وأقول : إمسح دمعك .. ودوك فاسي

لا تامن الدنيا .. تفطّن .. لجارحك

وإقرص على .. قلبك .. تخلّيه قاسي

بس الحسافه .. يوم تقبِل ..وأصافحك

وأقفي .. وأحس الضّربه .. تفجّ راسي

العيب ماهي طيبتي .. يوم أصارحك

أو أحسب .. الناس .. بموازين .. ناسي

العيب إني..أشق سترك .. وأمازحك

أو أمدحك .. وأرجع .. أخليك .. خاسي

خذلك طريق .. وروّح .. الله يسامحك

عش دنيتك .. بتشوف .. نفس المآسي

الوقت .. ما هو ..كل مرّه .. لصالحك

ما دام .. للّي .. سنّدته .. الرواسي

لو طالت .. الأيام .. تلقى .. مرابحك

تكبر جروحك .. ما لقيت .. المواسي ..!