لو مرّة يعود اللي مضى إشتقت لك إنسان

يامن ضاعت أيامي بدونه يوم خلاّني

من أوّل عرفتك قلت أحبك لكن الولهان

اللي داخلي جرّح وبل الطين بلساني

كنت النور لعيونك وصوتي بالأمر سلطان

نومي راحةٍ بايدك والعالم معك ثاني

كنت أرجع بعد كل العذاب بيومي التعبانوي

وألقى بسمتك والقى زمان بغير أحزاني

كان الصمت له معنى والدمعة لها شفقان

كانت طيحتي وسقمي موتٍ منّه تعاني

صرت النوم والصحوة لخل طاوع الطوفان

جرّحتك بما يكفي ملزوم إتحاشاني

لك حقٍ تقول إنّي خَذَلْت العاشق الولهان

سَّلَّمت الأنانية سيفٍ ماتعّداني

أحبك يا بعد روحي لو صار العشق هجران

أحبك لو رفعت اللي مضى في رفّ هجراني

لك حق اتناساني مانت الخاسر الندمان

لك ناسٍ بها تلقى طبع الحبّ الإنساني

من حقك تقول اللي مضى مابيننا ماكان

وتعيش العمر محدٍ يكّدر جوّك الهاني

تنسى وجهي وتنسى تاريخي مع العنوان

وإن شٍفْتك ولو صدفه تقول الهم لاقاني

سامحني قبل موتي إغفر زلة الغلطان

يامن ضاعت أيامي بدونه يوم خلاني