راهنّي ولك مني ولي منك عطا الولهان

راهنّي بكل اللي يحيي باقي سنيني

خالفني تلاقيني تلقى وجهي العطشان

تلقى شيّ ما شفته يثبت لك براهيني

راهنّي على الشوق وعلى الوقت وعلى النسيان

وإرجع خاسرٍ رابح أعطي وإنت تعطيني

راهن خلّنا نربح علّمني فرح الرهان

عوّدني على وجهة نظر منها توافيني

جازف بالحكي ودي اشوفك بالرهن خسران

وفرحان ليدٍ تعطي الحساب وتوفّيني

يا الاقرب ويا الابعد ويا معاند لك الطوفان

عاندني وتعلّم للغرق درسٍ يداويني

تعلّم كل شي وافهم معنى الجرح للانسان

ومعنى الموت باشكاله حتى الموت بيديني

راهنّي وريّحني ذوقني طعم الرهان

أشتاق اللقاء ودّي الليلة تلاقيني