يا مرسال المراسيل
عالضيعة القريبة
خدلي بدربك هالمنديل
واعطيه لحبيبي
***
عالداير طرّزتو شوي
إيدي والإسوارة
حيّكتلو إسمو عليه
بخيطان السنّارة
بِخيطان الزرق وحمر
وغناني الصبيان السمر
كتبتلو قصة عمر
بدموعي الكتيبة
خدلي بدربك هالمنديل واعطيه لحبيبي
***
بيتو بآخر البيوت
قدّامو عليّة
بتوصل عالبيت وبتفوت
وبتسلّم الهدية
ولو عنّا قال وكتّر
قلّو خليه يتذكّر
عَ هالمنديل الأصفر
ببعتلو مكاتيبي
خدلي بدربك هالمنديل واعطيه لحبيبي
***
وبتجِبلي مِنّو تذكار
شي ورقة وشي صورة
عالورقة يكتب أشعار
وإسمو على الصورة
ولمّا بتبكي المواويل
يسأل عن أهل المنديل
ويا مرسال المراسيل
سلّم عَ حبيبي
خدلي بدربك هالمنديل واعطيه لحبيبي