بيقولوا الحلوة راحت مشوار
بيقولوا قلبا سافر مشوار
سهرتنا مشوار .. ليلتنا مشوار
بدنا نسمع غنّية مشوار
***
مين قال حاكيتو وحاكاني
ع درب مدرستي
كانت عم تشتّي
ولولا وقفت رنّخت فستاني
وشو همّ، كنّا صغار
ومشوار رافقتو أنا مشوار
***
وقالوا شَلَحْلِي وَرْدْ ع تختي
وشبّاكنا بيعلاه
وشو عرّفو أيّاه
تختي أنا، وأيّاه تخت أختي
بيلفّقوا أخبار
ومشوار يا عيوني مرق مشوار
***
وقالوا غمرني مرّتين وشَدّْ
شوفوا الكذب لوين
مرّة منيح.. اتنين؟
ولا ردّتو إيدي ولا هُو ارْتَدّْ
شو بيفضحوا أسرار
ومشوار شفتو وما رجع مشوار
***
كذبوا؟ مين بيقول كذبوا مين؟
مبارح بنومي بصرت
إنّي عَ زندو طرت
والأرض مفروشة كلّا ياسمين
انْ صحّ الحلم شو صار؟
ومشوار جينا عالدني مشوار