روحي على بحرك وغطّي لحافه

لان الجزر وقته يبعّدك عني

وان جا على مدك ابيه بلطافه

اخاف موجك ابقساوه يشلني

دام القمر في بحرك انصب قافه

وعلى جفاف الهم فيني يبلني

والشمس في عيني تزايد نحافه

يمكن يجيها اليوم تحرق فجفني

والليل طالبني صديق ن يصافه

والنور شاعر اربكه حيل فني

والعلم ضايق فيه والحلم سافه

والغمد دنيا والصبر منه سلني

والروح تتمايل فجسمي تعافه

واللي اقربه يوم يومين ملني

والحزن تبغ ن من فوادي لفافه

والضلع من طاريك ايشب حزني

والموت ياخذ من يبي يا حسافه

ياليت تارك من حسبته يدلني

واوراق غصني اسقطت من جفافه

واعرفت بعد سنين ( الحب ) غصني

والغصن مايل عالشواطي وشافه

طفل ن يدور بين الالعاب عني