زمان أول وانا طفلٍ جميع الناس اتحبني

غديت اليوم في سنٍ ألاقي الكل يجفيني

مثل نبته ورويانه وكل الخلق اتهزني

ولما قلت اثماري أشوف الكل ناسيني

حبيبي يقول لي انه يموت ولا يفارقني

ولما شافني مبطي قبل غيره نوى فيني!؟

زماني صعب ارضاؤه لذلك لا تؤاخذني

إذا قد شفته افيومِ من الأحباب منهيني

(حزن واهموم يهديني) وآهاته تعانقني

ولو حتى علي يرضى (حزن واهموم يهديني !؟)

أنا تايه بدوامه ولا ادري وين تاخذني

على كيف الزمن امضي وعمري صار يفنيني

زماني يا زمان( أوّل) حبيبي كيف مازحني ؟؟

بعد ذاك العشق (حوّل) وصار اليوم يشقيني

لجل هذا كتبت الحرف واحياناَ يسابقني

لجل يحكم على من حب ويثبت بالبراهيني

ألا يا قلب يا نبضي نزف جرحك ويؤلمني

وسوء الحظ قد أختم بحبره عالشّرايني