مسا البارح على ذكراك يالمجحود

خذاني لـ وين مدري بس يالشاقي

تمايل بي على ردون الورق عنقود

وقمت آهش حبري واخنق اوراقي

أدورني على وجهك وانا مفقود

وألاقيني هنا باقي بلا باقي

تذكرني بـ سيف الله والأخدود

ليا من ضاق صدر الحق بـ آفآقي

بياضك من ورى عبس الليال السود

يصب النور في عتمة سما احداقي

وتراتيلك على صهلة هبوب النود

تدك الخوف لا نفنف على اعماقي

وسماحت وجهك الطاهر لنا ياعود

يبشرني بـ طيب الوقت لو ضاقي

اشوفك طود لكن من يشوفك طود

يموت بـ قيد انت انسان ارهاقي

أسد ليه الزئير وما معاك اسود

تضيغم بـ ايش وانت بـ كف انفاقي

تمخلابك زئيرك والزمان قيود

وتغشواك السواد ولاح براقي

يسريني نحيبك لاصرخ مضهود

من اصحابي وسيّد زمرة اعراقي

وثرت بـ لا اله الا هو المعبود

وثار من الغضب ثلثين خفاقي

على دهم المهار ونفحة البارود

اسوق الموت فيني ما انثنى ساقي

تعبت اغمض عيوني ثلاث عقود

وانا ما عادت اخلاقي هي اخلاقي

يعود العز ولاّ ياعسى ما يعود

ما دامه يا 100 مليون مافاقي

نبيع من الكرامه 1000 والمردود

وجع 50 واعراقي وش اعراقي

اجل ما عاد به شيٍ لنا ياكود

نسوق الموت والباقي على الباقي