من بلد الايمان والحكمة ومن ساس الأصالة

من سبأ بلقيس من مهد الحضارات العتيقة

من أراضي ذي يزن حمير  وهمدان البسالة

من بلادٍ جنّ فيها المجد واضحت له عشيقه

من جذور الأوس والخزرج بهاليل الرسالة

قوم للقمّة  وللعليا  بيارقهم خليقة

من ديار سهيل والصارم ومن نبع السلالة

أرض من مبطي مع الطولة عراويها وثيقة

جيت والهاجس مقنّد رأس  ومزهّب دلاله

في قصيدة بن صنعاني  وتحفة من عقيقة

ومن كفوفه ديم يتسبّل على قاعي جزالة

لين ينبت ورد بأوراقي وتتشكل حديقة

والفريدة لا بغاها  مازهم عمه وخاله

ساقها من حر ماله ماشحتها من صديقه

مرحبا والشعر سبك وحبك وإيحاء ودلاله

لبّه المعنى ولفظه هيكل الشكل وبريقه

والطواريق النعوت  وكل شاعر له مجاله

شاعرٍ ترقص طرب له  وآخر(ن) تلعن نعيقه

شاعِرن يأرث درر  وآخر يودّعها كلاله

ذاك تشفق له  وذا من جد قلبك مايطيقه

والتكلف في الشعر خلِه وضرب من الهباله

ماحلاه الشعر لاجا  فطرة  وطبع  وسليقه

مثل شعري في بلد زايد ليا سبّل خياله

ابتسم بحر الخليج ولوحت يمنى مضيقه

أم وأعشقها  وعي  وادراك  وجنون  وثماله

أم يفداها زهر شعري ليا مصّت رحيقه

كل ماغنيتها في بيت رحت أبغي بداله

لين ماريقي نشف  والشعر منها نشف ريقه

ويش أقول بناسها اللي فسلهم راعي جماله

وليه أردد والغلا مرسي على قلبي طويقه

يارئيس الدولة القدوى  وياتاج الشكاله

القصيد  أمجادك العظمى عن أوصافك تعيقه

يخجل الأيجاز منك  ولاتفي قدرك أطاله

والفرايد كل ابوها في غبب مجدك غريقه

ياخليفة  ياشقيق المجد  لا  يابوعياله

الشعر بحره خيال  وبحر جودك من حقيقة

أنت بدر الحكم وخوانك حوال البدر هاله

وأنت ساس المجد يارأسه  ورأسك شم أنيقه

سيدي والشعر يصدح لك على النايف  بلاله

وايتباهى المجد بأفعالك على كل الخليقة

ولو قصيدي عنك يافيض الندى  قصرت حباله

عذره أنك غير  يامن دوخ المجد ب طريقه

ويا إمارات الهوى والشعر ماياصل كماله

كود لاسطّر بقيفانه من أمجادك وثيقة

ياديار الولف الأول والصبا  وأعذب لياله

ياقصيدة عشق بين أحضانها ضمّت شفيقه

يالصباح العذب وأنفاسه  ونفحات البيالة

ياصدى فيروز للمشتل وللورد  وشقيقه

يامراتع طفلةً  عنها حشا مانيب داله

كود عزرائيل كأس الموت في فمي يريقه

يادياراً كل ماغنيتها في أي حاله

يسكر المعنى بطاريها ولا ودي أفيقه