ياخوي أنا حالي من الهم حايل

مشغوب ماعني يسايلك سايل

ابات سهران إلى ناموا الملا

كن الحشا يصلاه حر الملايل

لاناشدٍ عني ولامن يسليني

ولامن درى بي ويش انا كيف قايل

أعالج افكارٍ ماعلى الله خافي

ولولا مراعاته ووضح الدلايل

ولولاي احاذر سطوته جل شانه

ماشفتني بالزهد بايت وقايل

ولاشفتني اقضي الوقت بالوقت

بصبرٍ على الايام والشد مايل

اتعبت نفسي في طلبها وعزها

وتبعتها درب الآباء والأوايل