ياراكب اللي ياخذ الحزم مواج
مواج دار وتاه في الغبتيني
يوم استشد الريح ترميه الامواج
أمواج بحر يضرب الجالتيني
ضاري على قطع الفيافي وسجاج
سجاج بين الشرق والنقرتيني
محنوني كالقوس منعاج منهاج
مثل الهلال اللي ولد ليلتيني
والا كما سرحان مع فج الافجاج
.والا الغزال اللي رمى مرتيني
يجفل ليا ماشاف ظل العصا ماج
راعيه ما يقدر يمد اليديني
كوره عقيلي مشترينه من الحاج
والميركة والخرج والغرتيني
ضرب عليه اليا سجا الليل وانساج
وزارت مراسيل الكرى كل عيني
خله مع الريعين والدرب مدهاج
والسيل مره ما مضى ساعتيني
واحرم بعمره واقطع الدرب منهاج
منهاج من يمشي على الفرقديني
تصبح بمكة حزة الصبح منباج
واسع وطف وصل لك ركعتيني
وانص الملوك اللي لهم نور وهاج
نور من المشرق الى القبلتيني
تلقى الوفود الهم كما وفد حجاج
يوم الثمان ومصعدين القريني
سلم عليهم واخرج الهرج مخراج
واعرف مقام الملك في الحالتيني
واخرج لهم خط طوى طي ديباج
هدية من باشة المحمليني
منظوم فيها ابيات من بحر عجاج
نظم الجواهر في سلوك اللجيني
يا عون يا سيدي وصلت انت فراج
وانا تراني عند سيدي الحسيني
حيث ان له عادة وله جود ثجاج
من معصرات الجد والوالديني
يا ما عطوا من واسع خيل وابراج
دهم جماح محجلات اليديني
وان جا نهار فيه للخيل مسهاج
ونادى بشير الموت في الجمعتيني
ركبوا على ضمر يشادن الابراج
.مصقلات لبسها كل زيني
وظلا غبار النقع من فوقهم تاج
وتصادم الهندي وسمر الرديني
كم جندلوا من فارس غير مزعاج
حامت عليه الطير بالخافقيني
ورماحهم روس الاعادي لها ازراج
ضد الرماح اللي لها زوجتيني
يا بن محمد يا غنى كل محتاج
ياعيد مديون تحمل بديني
خدامكم شفه من المال سيراج
والا فرنجيه لها جبدتيني
حتى يودي ذكرها كل هراج
واخبارها تاصل(....) والعديني
وابدي لك البيضا عدد ريح الافواج
وتمشي ركاب المدح بينك وبيني
ويفرح صديقي والعدو صاده افلاج
.من غبنها دمعة من العين عيني
وصلوا على من خصه الله بمعراج
محمد المختار جد الحسيني