صغير السن أبو عين ٍ كحيله

تزاورني طيوفه كل ليلة

أشوفه في عيوني واتبسم

وأغني له من الفرحة وأجي له

صغير السن يا حلو الطبايع

شبيه المهره الصفرا الأصيله

مع الأيام يكبر في عيوني

أحبه حب وبعيني أشيله

إلى مني ذكرت أحلى ملامح

لقيت أن الحلا ماخذ سبيله

بوجه ٍ يشبه البدر بجماله

تواصيف ٍ علي حسنه جميله

وخد ٍ فيه من برق الليالي

تشوفه من مسافات ٍ طويله

وشعر ٍ ينثره من فوق متنه

وأشوف الليل نايم في جديله

أحبه لو سكن بعروق قلبي

واحبه لو دروبه مستحيله

صغير السن يا فرحة زماني

أشوفك في عيوني كل ليلة