جيتني بالحلم ليت الحلم يا فيصل حقيقة

يوم شفتك في منامي قلت يا حي الزياره

والعيون اللي تحبك في مدامعها غريقه

لا تظن إني عطيت الدمع فغيابك وقاره

والله إني ذارفه وأبكيك يا قايد فريقه

والبكا في واحدن مثلك حشا ماهو خساره

جيتني فالحلم يا وجه" تزايد في بريقه

تبتسم وآشوف نور الكون في وجهك نهاره

أذكر إنك تسأل الخفاق عن بنت ٍ رقيقة

يوم قلت تحبها؟ وأقول لك حب وطهاره

ليتك بجنبي وانا أشكي لك عن الحب وطريقه

وليتك بجنبي وانا احكي لك عن الغالي وداره

عن ملامح حبنا والعاشق ولوعة عشيقه

عن سوالفنا وعن مولد هوانا وانتشاره

آآه يا فيصل يمر الوقت وجروحي عميقة

وانت غبت وما بقى في خافقي غير انكساره

كم تمنيت إن يومي قبل يومك لو دقيقه

لكن الحكم المقدر والقدر هذا قراره

وانت رحت وكل حلم " به خيال وبه حقيقة

بس تدري طالبك يا أغلى بشر رد الزيارة