لاجتمع بالبال شعرٍ معه فكرٍ نبيه

قلت سلّم لي على الليل و اللي يرقده

اتأمل بالزحم هالوجيه و هالوجيه

كن بسماتك تجي وسطها مستقعده

تنفض احساس الشعر بي عن بكرة ابيه

كنك اتغششني اول وثاني مفرده

من ضحايا حيرتك يوم لا, ويوم أيه

لا تعلقني بحبلٍ , وترجع تعقده

مثل غالي بعض الاوقات ماودك تجيه

وما تحس بقيمته غير لما تفقده

تنثره من وين ما شئت ثمٍ تحتويه

ثم تنثر كل قطعة تجي على حده

دام قلبي ماخذه ماخذه قلّي ابيه

خلّني اعطيك قلبٍ بحاله جيّده

كيف ارضى و اتسلل ورا قلبك و اجيه

كيف اقنع بالتسلل وهو له مصيده

لا تفاضلني بغيري و انا مالي شبيه

خص لاجات الموازين حيل معقّده

لارتفع سعر الدراهم على حساب الجنيه

حظ قومٍ يتعسه عند قومٍ يسعده

ما يعاب اللي مسك شوكه و ياكل فيليه

كيف ياكل في يمينه وكلٍ ينقده

يعرف اداااب الأكل ماكلٍ مما يليه

قال حق الناس للناس , ما طوّل يده

اتكلم من مراره وحالي لك عليه

شايف ان الغيره احيان نارٍ موقده

لاطلبتك تلتفت, التفت من غير ليه

تفهم اللي اقصده و اللغات موحده

لا تشد الحبل بالحيل لي حاجات فيه

جوّد انته من هنا , ومن هناك اجوّده

الصدف ما تجمع الناس بالشانزي لزيه

والقلوب اتجمع الناس لو هي مبعده