قلوب شعبك كلها لك مراسم

تستقبلك بالورد ياسيد الاحباب

بعيوننا بانت صوركم علايم

ماغاب عنا الشوف لك لحظة ماغاب

شوفك حمدنا يسعد القلب دايم

وأتفتحت للفرحة في شوفك أبواب

النور نورك يا مليك المكارم

ياللي بك البحرين كل مابها طاب

ياكبر حبك عندنا والله عالم

لحبك أسبابٍ وأسباب و أسباب

أنت المليك اللي رقى بالعزايم

كرس حياته للبلد ما أرتجى حساب

صارت بك البحرين كلها عواصم

والعالم أجمع إنها بحرين الأعجاب

ياللي سخى وياك نشهد لزايم

وفي مدرسة خيرك مع الجود طلاب

لا ماتلاقي فينا بالشعب ضايم

وبسنها بدعمك يعود كما الشاب

يا مطور البحرين ياخير حاكم

تحكم بشرع الله ولا غيره كتاب

سيرتك ورد يعطر بنا النسايم

لا مايكفي وصف شئ به كتاب

حنا على عهد الولاء نبقى دايم

سمعٍ و طاعة نجيك يا سيد الأحباب

نفديك بالغالي و هالقول صار

جنود وتربيتك من الضيم ما نهاب