إمسح الدمعه اللي فوق خدك وقلّي

ذي رسايل عزا؟ والاّ دموع اعتذار؟

أحسب إن الجفا اللي فات كلّه تغلّي

طول غيبتك وأيامي رجا وأنتظار

أنت .. ما كنت أصدّق يوم ترضى بذلّي

وأنت دايم تقول إن الوفا لك شعار

خل باب الميانه والمجامل يولّي

السراب اكتشفته .. والمفارق قرار

مافعلته كرامة نفس .. ما هو تَخلّي

غلطة العمر ما خلت بوجهي خيار

ريحة الجرح فاحت رفْض .. وأنت امتسلّي

ياعديم الوفا فرقاك "رد اعتبار"