ياربي الليل وحشه والذنوب أوقفن

قدام عين المسافر مع دروب السنين

جلد الضمير إشتعل بي والجروح إنزفن

نظرت خلفي وزاد الركض .. والركض وين !

فرّيت لك منك وايامي تلوح بكفن

الموت اشوفه يخاتلني شمال ويمين

جيت اعترف وانكسر .. جيت ارتمي واندفن

في رمل شاطيك .. جيت يشدني لك حنين

تعاظمت بي ذنوبي / هاجسي .. وعصفن

باللي بقى من ثباتي .. عونتك يامعين

إن سيطر الخوف فجبال الضلوع رجفن

وان لاح طيف الرجاوي : تونا ريّضين !

امشي تجاذبني الدنيا : ورود وعفن

لا الزين دايم بعيني زين .. لا الشين شين

وحبك بحر جود وآمال النجاة السفن

حبك وحب الحبيب المصطفى شافعين

ماغير هذا وظن لا ذكرته طفن

كل الحرايق بقلبي .. والرجا بك مكين