يمكن تقد النور هجعة غيومك

بين الجهات وتترك الدرب ينهبك

اصفق بجنحانك تناثر حلومك

اسبح بحمام الفضا واعبر الشبك

صدق الطعون اللي تعطر قدومك

عندي .. وكم جرح يغيضك ويعجبك

ما غير الترحال ريحة هدومك

سافرت فوق الجرح والجرح يجذبك

قدام تلقى كل شي يسومك

في داخلي وعند الظما تنزف اعذبك

ترقد على رمل المتاعب همومك

وللصبح بعيونك تهادى ركايبك

للمفرق اللي واقف فيه يومك

يمحاك في لوح إختيارك ويكتبك

وكف تنازعني حبايل علومك

تلعثمت بك وانطفت قبل تشربك

ماكل مشتاق تلقى سهومك

عاري صدر .. يا خيمة البال ينصبك