كنت انتظرك وجيتني وانتظرتك

تغيب من شان انتظرك وتجيني

شفت البروق مسافرات وحسرتك

في وجه ظني وانطفا البرق فيني

تشابكت غابة حروفك عبرتك

طلعت ما ابتلت بحبرك يديني

ان كنت بمراهق خيالي بذرتك

كانت طموحاتي تلوح بجبيني

ما ابيك ترجع لي مثل ما خبرتك

ودي تجدد .. تختلف .. لوتشيني

تهدا .. ولو في كل شي استثرتك

تثور دون اسباب .. تقسى .. تليني

لك تتسع .. لا ضقت بك واختصرتك

لك تنضغط .. تطوي براري حنيني

تبعد .. تلاشى .. تنكر اني نظرتك

تدني .. تزاحمني لما تحتويني

الحق لك .. تنسى متى ماذكرتك

تذكر مع النسيان .. تقسى .. تليني

انا لجل تحقيق ذاتك عذرتك

جرب تواعدني ولا تحتريني

وحتى لو اني بعد هذا خسرتك

الحب في قلبي ولاهو بعيني