دورت له لفيت في كل الاقسام

وحطيت له في كل موقع رساله

تابعت له كل المواضيع باسهام

وساهمت حتى في ردوده بداله

اعجاب؟ لاوالله بل عشق وهيام

يسرح بتفكيري وانام بخياله

تعبت الاحقها من الخاص للعام

قولوا لها ماني على الصد داله

اماتخلي القلب ينعم بالاحلام

والا لوضح قصتي في مقاله

واستنجد الاعضاء واروح الاعلام

واخلي الموضوع باكبروكاله

ويحن مشرفنا يثبته قدام

وتصير قصتنا على النت حاله

والناس تحكي قصتي مر الاعوام

رامي وعشق النت والي جراله

مجنون في حبك ولاعاش من لام

الي يلوم القلب في حب ماله

ارجوك ردي لي وانا لك على الكام

ولا على الجوال دزي رساله

ردي لرامي صار له وقت مانام

يستلطفك بالحب ترفي بحاله

اشكيك لك ياقاضي الحب منضام

ضلمتني واطلبك منك العداله

قصدي شريف وما يعارضه الاسلام

وانتي مناي ولا تقولي محاله

لاتشكي ضروفك ولاتشكي اوهام

بعد المسافه مايعوق رجاله

اجيك لو باقصى المحيطات ياهام

رامي وأحب الصيدلابعد حلاله

احب جفلاته واحبه فلاقام

يلد لي ويصد واعشق جفاله

اتابعه مابين روضات لخزام

الين يعشق طلتي قبل اناله

وان ماعشقها والله ان ( معبري ) سام

بطلق عليه النار والقى بداله