لعيونك أكتب ينتثر حبري ويرسم لك قصيد

لعيونك يطيب جرحي وألحّفه ثلج ورماد

لعيونك أكتم قصتي واعصابي فولاذ وحديد

لو كرروا بالأسئله إذني تعاف الإرتداد

لعيونك احساسي يسافر في صحاري من جليد

لعيونك أبلع كلمه الصاحب ولو هو بزدياد

لعيونك الكلمه تثنت بين جلدي والوريد

وألجمتها بقوه عزم ممزوج بصرار وعناد

والله لرسم ضحكتي بالمسطره واصبح عنيد

لعيون من قالت تحداهم ولا تعلن حداد

يازارعه فيني بذور الكبرياء عندي جديد

عندي أعاصير الشعر تجتاحني خيول وجياد

سالت دموع الحاقدين بعد إبتدائي بالقصيد

مثل الشجر يبكي حزن لو باغته سرب الجراد