نعم بارد حياتي صمت وشوفي الثلج في عيني

ولكن ما قدرتي تشعلين بوسط قلبي النار

نعم أحتاج إلى إعصار يفجر كل ما فيني

فشلتي في المهمه وإنتهى التمثيل ياللعار

أنا بركان عاصف لو قدرتي بس تشوفيني

لخليت الحزن في دنيتك أزهار في أزهار

أنا المارد وذا الحب الحقيقي شي يكفيني

وأكون بكفك الطفل المسالم والنغم والطار

أنا شامخ مثل نخل تحدى ريح شوفيني

أحب احيا عطا وأموت واقف كني الأشجار

أنا الجمر الحمر والنار إن قلتي تحبيني

وأنا الثلج بعيونك إن تكبرتي وطلبتي الثار

أنا شاعر حروف الحب في ساعات تنهيني

وأنا الإعصار من يقدر يواجه ثوره الإعصار

بحور الشعر أفجرها بغضب من بين كفيني

واعلقها قلايد فوق نحرك تلفت الأنظار

حياتي لو تخليتي دقيقه عن غرورك لو سمعتيني

لكانت أحلى قصه حب نعزفها على الأوتار