يامن تجاهلته التاريخ واعصوره

وغرتك كلمة التغيير وأرياحه

أتعلم اشلون بدوي (يعشق) اجذوره

يواجه العولمه ودينه اسلاحه

افضل هوايه عرفها القنص بطيوره

ماتشوف وشلون تقبل عند تلواحه

بيته شعر مايهمه فن ديكوره

والنار قربه عليها ادلال فواحه

لو تسأله هل سمعت او شفت شحروره

بيقول ناقه على ماظن ف الباحه

مايحسب الوقت لا ايامه ولا اشهوره

راضي بما الله عطاه ويحس باالراحه

وأهني الي خذا له بنت أموره

بنت ابدوي لاعرف بالسر ماباحه

رزينة العقل بلأخلاق مذكوره

ماهمها شعرها صبغه وسراحه