لد النظر يازين يازين يازين

أن كان باقي للمحبه مروه

القلب لك موطن تعال اسكنه لين

تضفي على بره وبحره وجوه

ماتذكر أني صابر اسنين وأسنين

واقول لوه يعطف الزين لوه

وش فيك؟ ماترحم ولاقلبك يلين

حتى العدو يمكن يروف بعدوه

لاتحسب الثروه ميات الملايين

والعقل ثروه ماتقارن بثروه

لو ضاقت الدنياء من ايسار ويمين

إنا خويي تاج راس المخوه

بقول تكفاء صاحبي ياحمرعين

يلي كساك الطيب شيمه ونخوه

طرش على الجوال بيتين بيتين

دام أن قصيدك في سماء الشعر ذروه

ياخير من يفهم ظروف المحبين

ان قلت هوه صدق ماغير هوه

يفزع معي فزعة هل الدين لدين

ويشيل همي كلما شب ضوه

مابين (دار الظبي) و ( دبي) و ( العين)

بين الرجاء واليأس والقصد انوه

حظي خذلني مطلع 2 2

هدم طموحي وأنحدر من علوه

حتى اختلط في عيني الزين والشين

ماعدت افرق بين مره وحلوه

اقرر ارحل بس من وين؟ الا وين؟

أمد خطوه وأرجع الخلف خطوه

ولا متى بعدين بعدين بعدين

والصبر منه القلب يعلن خلوه

والقلب صوبك ساقني يريش العين

من غير لاموعد ومن غير دعوه

ودي تشوف ا(حسين) وتقول ي(حسين)

توه وقر حبك في القلب توه